今日公佈 2018 年度事業戰略及計畫書，當中唔少朋友注意力都去左《Monster Huneter World》銷情之上，今年年初發售嘅《Monster Huneter World》出貨量驚人。根據昨天公報數字，去到2018年4月16日為止，全球賣出數字接近800萬套，呢個絕對係到現時為止，Capcom 歷史上最好賣嘅遊戲，而上個財政年亦係Capcom 最好賺嘅年度。
不過除左《MonHunt 》銷情之外，Capcom亦有講到有關下一個財政年嘅計劃，當中包括下年嘅出Game 目標。今年Capcom預計將會推出53款作品，比起上個財政年度多出3款，而其中兩款為大作(原文為: Major Titles)，其中亦包括手機遊戲。
另外Capcom 公佈的數字當中，日本本地的嘅實體遊戲銷量亦預計會減少，所以有唔少行家都預計兩款Major Titles 有相當大機會都係為歐美玩家而設，不再單單為純日本玩家服務。而奇怪嘅係，Capcom 對呢兩款Major Titles 銷量無大預期，甚至預計下年嘅遊戲銷量會比今年差，咁到底呢兩款「大作」又係乜料？會唔會連兩款Major Titles 都係冷飯？
如果有興趣想睇全份報告，可以撳呢度。